ເນື່ອງຈາກວ່າສະພາບເສດຖະກິດໃນຕົວເມືອງ ການເຮັດວຽກເພື່ອເອົາເງິນເດືອນພຽງຢ່າງດຽວ ບໍ່ພຽງພໍກັບຄ່າໃຊ້ຈ່າຍ ໃນຍຸກປະຈະບັນແລ້ວ ພະນັກງານຫ້ອງການ, ນັກສຶກສາ ທີ່ບໍ່ມີເວລາຫຼາຍ ຈຶ່ງໄດ້ຊອກຫາໂອກາດທີ່ຈະໃຊ້ເວລາຫວ່າງ ທີ່ນອກເໜືອຈາກອາຊີບທີ່ເຮັດປະຈໍາ ອາຊີບເສີມທີ່ສ້າງລາຍຮັບຂຶ້ນມາອີກ ເຮົາມາເບິ່ງກັນວ່າມີອາຊີບໃດແດ່ທີ່ສາມາດສ້າງເງິນໃນບ້ານຂອງເຮົາໄດ້
- ຊ່າງພາບ ຮັບຖ່າຍຮູບງານດອງ, ງານຮັບໃບປະກາດ ແລະ ງານອີເວັ້ນຕ່າງໆ
- ກາບຟິກດີຊາຍເນີ ນັກອອກແບບກາບຟິກຟີແລນ ເປັນວຽກທີ່ຕະຫຼາດໃນລາວມີຄວາມຕ້ອງການສູງ ເພາະໃນປະຈຸບັນມີການຂາຍສິນຄ້າອອນລາຍ, ມີອີເວັ້ນມາເກັດຕິ້ງ ເພິ່ມເປັນຈໍານວນຫຼາຍຈໍຂຶ້ນ ດັ່ງນັ້ນວຽກດ້ານກາບຟິກດີຊາຍຈຶ່ງມີຄວາມຕ້ອງການໃນຕະຫຼາດຈໍານວນຫຼາຍ
- ຄູສອນພິເສດຕາມບ້ານ ເຊັ່ນ: ສອນພາສາອັງກິດ, ສອນຄະນິດສາດ ສໍາລັບເດັກປະຖົມ ເປັນວຽກທີ່ເຮັດໃຫ້ມີລາຍໄດ້ພໍສົມຄວນ ສໍາລັບຄົນທີ່ຈົບສາຍຄູ ຫຼື ນັກສຶກສາທີ່ເກັ່ງໃນການສອນ
- ຂາຍສິນຄ້າຕາມຕະຫຼາດນັດ ປະຈະບັນຕະຫຼາດນັດກໍາລັງເປັນກະແສທີ່ໄດ້ຮັບການນິຍົມໃນລາວ ເພາະສິນຄ້າລາຄາຖືກມີຄວາມຫຼາກຫຼາຍ ແລະ ສາມາດຕໍ່ລອງລາຄາໄດ້ ສິນຄ້າທີ່ຂາຍດີຕາມຕະຫຼາດນັດ ເຊັ່ນ: ເຂົ້າໜົມ, ອາຫານວ່າງ, ອາຫານປະເພດຕໍາຕ່າງໆ, ລູກຊິ້ນທອດ, ນໍ້າໝາກໄມ້ປັ່ນ ເປັນຕົ້ນ ແຕ່ເນື່ອງຈາກວ່າສິນຄ້າໃນຕະຫຼາດນັດມີຊໍ້າໆກັນ ເຮັດໃຫ້ລູກຄ້າບໍ່ກັບມາຍ່າງອີກ ດັ່ງນັ້ນການເລືອກສິນຄ້າທີ່ຈະມາຂາຍຕາມຕະຫຼາດນັດ ຈໍາເປັນຈຶ່ງຈະຕ້ອງແປກ, ໃໝ່, ຄຸນນະພາບດີ, ລາຄາຖືກຈຶ່ງຈະຂາຍໄດ້
- ຜະລິດສິນຄ້າ ຫຼື ຮັບເປັນຕົວແທນຈໍາໜ່າຍຂາຍທາງອອນລາຍ ປະຈຸບັນການຂາຍສິນຄ້າທາງອອນລາຍກໍາລັງເປັນກະແສທີ່ໄດ້ຮັບຄວາມນິຍົມພໍສົມຄວນໃນລາວ ເພາະສະດວກຕໍ່ລູກຄ້າ ທີ່ມັກຄວາມສະດວກສະບາຍ ແລະ ມັກຊອບປີ້ງທາງອອນລາຍ, ສິນຄ້າທີ່ຈະຂາຍໄດ້ດີຕ້ອງມີລາຄາຖືກ, ຄຸນນະພາບດີ, ມີເວັບໃຊ້ທີ່ໜ້າເຊື່ອຖືໄດ້ ສິ່ງທີ່ສໍາຄັນຄືຄວາມຊື່ສັດ ແລະ ຕົງເວລາຕໍ່ການສົ່ງສິນຄ້າ
- ເຮັດກະເສດປູກເຫັດຂາຍ ປະຈຸບັນກະແສອອນລາຍກໍາລັງມາແຮງ ການຂາຍສິນຄ້າກະເສດ
ບໍ່ພຽງແຕ່ຂາຍໃນຕະຫຼາດເທົ່ານັ້ນ ສິນຄ້າກະເສດກໍສາມາດສົ່ງຂາຍອອນລາຍໄດ້, ປະຈຸບັນການເພາະປູກເຫັດຊະນິດຕ່າງໆເຮັດໄດ້ງ່າຍ ແລະ ຂາຍດີ, ລາຄາບໍ່ຕົກ ເພາະມີຄວາມຕ້ອງທາງຕະລາດສູງ
- ຜະລິດສິນຄ້າທີ່ລະນຶກສໍາລັບນັກທ່ອງທ່ຽວ ປະຈຸບັນມີນັກທ່ອງທ່ຽວລາວປີລະ 1,000,000
ຄົນ ແຕ່ສິນຄ້າທີ່ລະນຶກຍັງມີຈໍານວນບໍ່ຫຼາຍ, ຂາດຄວາມຫຼາກຫຼາຍ ສິນຄ້າທີ່ສາມາດເຮັດເປັນສິນຄ້າທີ່ລະນຶກໄດ້ຈະຕ້ອງມີເອກະລັກທ້ອງຖິ່ນ, ລາຄາຖືກ ຈະເປັຮນທີ່ຕ້ອງການຈໍານວນລາຍ ເຊິ່ງສາມາດຝາກຂາຍ ຫຼືຂາຍສົ່ງຕາມຮ້ານຂາຍເຄື່ອງທີ່ລະນຶກ ຫຼື ຕາມບໍລິສັດທ່ອງທ່ຽວ ເປັນຕົ້ນ
- ຜະລິດອາຫານ, ເຂົ້າໜົມ ສົ່ງຕາມຮ້ານມິນິມາກດ ຊຸບເປີມາເກັດ ຫຼື ຕາມຕະຫຼາດນັດອາຫານຍັງເປັນສິນຄ້າທີ່ຂາຍດີ ແລະ ຍັງຊື້ຊໍ້າເລື້ອຍໆ ແຕ່ສິນຄ້າຕ້ອງແຊບຖືກໃຈລູກຄ້າ ແລະ ລາຄາບໍ່ແພງຈົນເກີນໄປ
- ນັກກິລາຄູສອນເຕັ້ນ ແອໂລບິກ ຫຼືຄູສອນອອກກໍາລັງການໃນຟິດເນັສ ໃນອະດີດອາຊີບນັກ
ກິລາເກືອບຈະບໍ່ສາມາດສ້າງເງິນ ຫຼື ລາຍໄດ້ເລີຍ ແຕ່ໃນປະຈຸບັນກະແສຂອງການຮັກສຸຂະພາບກໍາລັງມາແຮງ ສໍາລັບຜູ້ທີ່ເຄີຍເປັນນັກກກິລາມາກ່ອນ ໂອກາດໃນການຫາເງິນບໍ່ໄດ້ຍາກ ສາມາດຈັດຄອດສອນການຫຼິ້ນກິລາ, ສ້າງນັກກິລາ ຫຼື ເປັນໂຄດໄດ້ ເຊິ່ງຖືວ່າເປັນອາຊີບທີ່ມີລາຍໄດ້ດີພໍສົມຄວນ ແລະ ສາມາດເຮັດນອກເວລາເຮັດວຽກໄດ້ເຊັ່ນ: ການເປັນໂຄດສອນໃນຂ່າຍມວຍ, ການເປັນໂຄດສອນຟຸດບອນໃຫ້ເດັກນ້ອຍ,ສອນເທຄອນໂດ ເປັນຕົ້ນ
- ຮັບສ້ອມແປງອຸປະກອນຕ່າງໆໃນຄົວເຮືອນ ເຊັ່ນ: ກອກນໍ້າປະປາ, ເຄື່ອງໃຊ້ໄຟຟ້າ, ແປຝງ
ລົດຖີບ ເປັຍຕົ້ນ ອາຊີລເຫຼົ່ານີ້ຖືເປັນອາຊີບເສີມທີ່ສ້າງລາຍໄດ້ດີພໍສົມຄວນ ເພາະຢູ່ໃນລາວຍັງຂາດແຄນບໍລິສັດທີ່ຮັບເຮັດວຽກໃນດ້ານນີ້ ເຖິງວ່າຈະເປັນວຽກທີ່ນ້ອຍໆ ແຕ່ຖ້າຫາກມີການບໍລິການເຖິງທີ່ ອໍານວຍຄວາມສະດວກໃຫ້ກັບລູກຄ້າເຖິງບ້ານ ກໍຈະສາມາດສ້າງລາຍຮັບໃຫ້ເຮົາໄດ້ຫຼາຍເຊັ່ນກັນ
ການເຮັດອາຊີບເສີມຫຍັງກໍ່ໄດ້ ຂຶ້ນຢູ່ກັບຄວາມສາມາດ ແລະ ຄວາມສົນໃຈຂອງແຕ່ລະບຸກຄົນ ແລະ ສິ່ງທີ່ສໍາຄັນຄືການຄົ້ນຫາພອນສະຫວັນ ແລະ ຄວາມສາມາດຂອງຕົນ, ຝຶກຝົນ, ຮຽນຮູ້, ຂະຫຍັນ ແລະ ອົດທົນ, ຊື່ສັດຕໍ່ຕົນເອງ ແລະ ລູກຄ້າພຽງເທົ່ານີ້ເຈ້າກໍສາມາດມີລາຍຮັບໄດ້ບໍຈໍາກັດພຽງແຕ່ລາຍຮັບທີ່ໄດ້ຈາກວຽກປະຈໍາເທົ່ານັ້ນ ແລະ ສິ່ງທີ່ສໍາຄັນຄືການນໍາເອົາເທັກໂນໂລຢີມາໃຊ້ໃຫ້ເປັນປະໂຫຍດ ໃນການເຮັດການຕະຫຼາດ ເພື່ອໃຫ້ຄົນຮູ້ຈັກກັບສິນຄ້າ ແລະ ການບໍລິການຂອງເຮົາໃຫ້ຫຼາຍຂຶ້ນ ພຽງເທົ່ານີ້ເຈົ້າກໍສາມາດມີລາຍຮັບເຂົ້າມາອີກແລ້ວ
